Arkivo

Posts Tagged ‘ovni’

Ŝiparo da nifoj super Bonaero

10 Septembro 2009 Komenti

Tiun ĉi ŝiparon da nifoj de variema geometrio estis filmita dum la vespero de la 22-a de julio 2009 en Ramos Mejía (Bonaero, Argentino) per videokamerao Sony TRV 310. Ĝi estas alia impresa afero pri ŝiparoj da nifoj el tiuj, kiuj estas okazanta tra la tuta mondo dum la lastaj jaroj.

Advertisements

Projekto Malkaŝo

10 Septembro 2009 Komenti

Se iuj neas la fenomenon nifo, tio estas ĉar ili preferas deturni la atenton aŭ mankas al ili informon. Sed informo ekzistas, abundas kaj estas atingebla por iu ajn, oni nur devas serĉi ĝin kaj ami sufiĉe la veron por povi trovi ĝin. Tiuj, kiuj nuntempe neas sistematike la fenomenon nifo estas laŭ mi el la plej ridindaj klasoj da nesciuloj, precipe se ili sin apogas sur argumentoj pretendantaj esti sciencaj kaj raciaj.

Projekto Malkaŝo estas ne-profita esplora projekto fondita de D-ro Steven M. Greer en 1993 kaj dediĉita al igi publikaj ĉiujn informojn pri nifoj, ekstertera inteligento, kaj aliaj rilatantaj aferoj, kiel klasifikitaj progresigaj sistemoj de impulso kaj energio, surbaze de atestantoj profesie implikintaj en okazaĵoj siavice implikantaj la eksterteran hipotezon. La organizaĵo, kiu kolektis ĝis 400 atestojn, argumentas, ke la usona registaro arĵivis la informon kaj akuzas al ĝi esti iginta ĝin sekreton nedefinite.

Projekton Malkaŝon estis prezentita de D-ro Steven M. Greer al la amaskomunikiloj kaj al la publiko ĉe la Gazetara Nacia Klubo de Vaŝingtono la 9-an de majo 2001. Tiu ĉi gazetara konferenco, unu el la plej gravaj kaj sukcesaj de la historio de la Nacia Gazetara Klubo, kunigis pli ol 20 atestantoj, plejparte antikvaj militistoj, kune kun registaraj agentoj, kiuj estis elektitaj pro sia fidindeco. Ĝi markis la komencon de kampanio kies celo estas atingi malfermitajn aŭdiencojn pri la afero de la nifoj kaj de la eksterteranoj antaŭ la Usona Kongreso. Por tion fari, la diversaj militistoj, sciencistoj kaj politikaj personoj, kiuj deziras atesti devas ricevi imunon rilate al la transpaso de la sekreto, kiun ili ĵuris havi ene de la kunteksto de neleĝaj programoj kaj maldiafanaj buĝetoj. La ĉefa objektivo de la Nacia Projecto Malkaŝo estas la tuta diskonigado rilate la aferon de la nifoj/eksterteranoj de la usonaj prezidanto kaj registaro.

Sekve mi prezentas la videon pri la gazetara konferenco de 2001, subtekstigita kastilie, kaj la atestojn de kelkaj atestantoj rikoltitaj de la organizaĵo (angle; vi povas serĉi la ceterajn partojn de la du videoj en YouTube).

Afero Voroneĵ, 20 jarojn poste

7 Septembro 2009 Komenti

Kiam okazis la afero Voroneĵ mi estis infano, sed ĝi ege frapis al mi; eble ĉar kelkaj monatoj antaŭe, kune kun mia familio, mi ekvidis mian unuan nifon (granda, ruĝa kaj luma bulo pendiginte en la ĉielo, kiun malaperis post kelkajn minutojn). Mi bone memoras la tagon kiam la televidĵurnaloj el la tuta mondo priparolis la aferon. Mi eĉ prenis notojn kaj faris desegnon, kiujn mi konservis kiel memoraĵo. La sekvan tagon matene, kiam mi vekiĝis por iri al la lernejo, tio, kion mi unue faris estis konekti la televidon por aŭskulti alian fojon la sensacian novaĵon. Dum la vespero, en la lernejo, mi demandis al la profesoro pri la afero, ĉar mi volis pliscii, kaj li rakontis al ĉiuj la samon, kion diris la televidĵurnaloj. Tiuj estis magiaj tagoj por mi kaj tiun aferon mi ĉiam konservis en mian kapon.

La faktoj okazis antaŭ 20 jarojn en la rusa urbo Voroneĵ, je iom pli ol 400 km sudokcidente de Moskvo. Verdire, ne estis nur unusola surteriĝo, sed pluraj, denuncitaj de plurnombraj atestantoj dum la tagoj 21, 23 kaj 29 de septembro kaj 2 de oktobro 1989, kvankam la plej rimarkinda estis tiu okazinta la 28-an de septembro de tiu jaro en publika parko. Jen gazetara noto reproduktita en kelkaj amaskomunikiloj dum tiuj tagoj:

“SOVETUNIO: SCIENCISTOJ KONFIRMAS SURTERIĜON DE NIFO. Speciala informo de la rusa novaĵagentejo Tass: NIFO SURTERIĜAS EN PARKO DE VORONEĴ, RUSIO. Kvar eksterteranoj 4 metrojn -10 futoj- altaj eliras el la kosmoŝipo, kaŭzante teruregon inter la homamaso da spektantoj, kiuj fuĝas. La faktoj okazis je la 18.30-a horo de la merkredo 27 de septembro, kiam pluraj infanoj ludantaj en la parko de la urbo Voroneĵ kaj personoj atendantaj aŭtobuson ekvidis en la ĉielo rozkolorecan lumon, kiu poste transformiĝis en ruĝan malhelan globon 10 metrojn diametra proksimume. Laŭ Vladimir Lebedev, korespondanto de la agento Tass en la malgranda rusa urbo, multaj infanoj vidis la surteriĝon de la nifo kaj la postan malsupreniron de pluraj eksterteranoj sur la parko. Vestita per arĝentkolora laborvesto, botoj bronzkoloraj kaj disko en la brusto, 3 metrojn alta, kun malgranda kapo kaj triokula, unu el la tri eksterteranoj eliris el la kosmoŝipo akompanita de roboto. La eksterterano dissendis sonon kaj desegnis sub la grundo luma trianglo je 30 x 50 cm proksimume, kiu tuj malaperis. La stranga kreitaĵo tuŝis la bruston de la roboto kaj tiu ĉi ekpaŝis. En tiu momento, unu el la infanoj kriis terurigita, la eksterterano rigardis lin kaj la knabo restis paralizita. Poste, la eksterterano celis al unu el la junuloj per “armilo”, objekto simila al tubo larĝan duonmetra, kaj la knabo malaperis tuj, kaj li reaperis kiam la estaĵo revenis en sian kosmoŝipon kaj tiu ĉi foriris rapidege”.

Post kelkajn tagojn, sciencistoj de la Laboratorio de Geofiziko de Voroneĵ detektis en la loko kie restis la kosmoŝipo spurojn de radiaktiveco pli alta ol la normala kaj ili neniam neis la aŭtentikecon de la okazintaĵo. Mi neniam dubis, ke tiu tago eksterteranoj vizitis la urbon Voroneĵ.

Spektakla grupo da nifoj en Meksikurbo

6 Septembro 2009 Komenti

Mi tute ne ŝatas la televidprogramon de Jaime Maussan ĉe la meksika televido. Mi multe povus kritiki Maussan-on kaj lian programon, same kiel mi povus fari pri aliaj similaj programoj kaj profesiuloj pri misteroj. Sed malgraŭ ĉio, afero prezentita antaŭ kelkaj monatoj ŝajnas al mi aparte konsiderenda. Ĝi temas pri strangega grupo da nifoj registritaj ĉi-jare en la meksika ĉielo, kiu aldoniĝas al multaj aliaj aferoj pri grupoj da nifoj filmitaj en la tuta mondo, precipe en Meksiko.

La fenomeno okazis la 22-an de majo 2009 en Meksikurbo, je la 5-a vespera horo proksimume. Du viroj, Pedro Hernández kaj Alfredo Carrillo, filmas ĝin el du punktoj disigitaj proksimume je ok kilometrojn. La unua en la delegacio Azcapotzalco, la dua en Ciudad Satélite. La videoj montras oranĝ-flavan kaj cilindroforman objekton kiu ĵetas ambaŭflanke dekojn da aliaj sferoformaj objektoj, samkoloraj kun la objekto el kie ili ŝajne eliras laŭ perkekta formacio: unu supreniras kaj la aliaj malsupreniras. Ĉe la unua video, tiu de Pedro Hernández, la ĉielo aperas klara kaj la objektoj montras flavan koloron. Ĉe la dua, tiu de Alfredo Carrillo, aperas nubojn kaj la objektoj aspektas nigraj.
La videoj ŝajnas al mi veraj, sen manipulado nek fraŭdo. Se ĝi estas realaj, kiel ja ŝajnas, ni estus antaŭ unu el la plej gravaj dokumentoj filmitaj pri nifoj. Mi opinias, ke la objekto povas esti materialiganta kosmoŝipon: ĝi materialigus interne la objektojn antaŭ ol ĵeti ilin.

Jen la du videoj, prezentitaj en la programo de Maussan. Taksu vi mem.

La impresa fenomeno de la ŝiparoj de nifoj

6 Septembro 2009 Komenti

Dum la lastaj jaroj, impresa kaj spektakla fenomeno rilate al nifoj okazas en la ĉieloj de la tuta mondo: tiu de la nomataj “ŝiparoj” da nifoj. Ĝi temas pri grupoj da nifoj, ofte po dekoj, centoj, eĉ miloj da ili, moviĝantaj ŝajne inteligente, kelkfoje laŭ perfekta formacio. Tiun ĉi fenomenon jam estis registrata en multaj landoj, kiel Argentino, Francio, Katalunio, Meksiko, Peruo, Rumanio, Rusio, Slovakio, Usono aŭ Vietnamo.

En Limo, Peruo, en la tagmezo de la 20-a de majo 2007, skipo de la perua televidkanalo Canal 9, kiu estis produktanta videon de la kantistino Ana Karino Copelo en Limo, registris, antaŭ dekoj da atestantoj, milojn da lumaj sferoj flugantaj en la ĉielo. Eksterordinara dokumento. Jen la bildoj kaptitaj de la skipo de Canal 9.

Sed Meksiko estas ŝajne la lando kie plej incidas tiu fenomeno. Ĵusa afero, kaj unu el la plej spektaklaj, okazis la 22-an de majo 2009. Ĝi estis registrata de du personoj el du malsamaj lokoj de Meksikurbo. En la du videoj oni povas klare spekti grandan objekton cilindroforma ĵetanta ambaŭflanke centojn da aliaj pli malgrandaj objektoj.

Iuj demandas sin ĉu eksterteranoj volas komuniki al ni ian mesaĝon per tiaj objektoj, aŭ ĉu eble ili estas preparanta invadon de la planedo. Sed kiel kutime, ni scias nenion pri la naturo de tiu ĉi fenomeno. Mi demandas min kio okazus se unu tago oni vidus ĝin samtempe en la tuta mondo.

Grupo da nifoj super Sibio (Rumanio). 2008

Grupo da nifoj super Sibio (Rumanio). 2008