Arkivo
Israela armeo faligas nifon kiu superflugis la Nuklean Centralon de Dimona
Nuklea Centralo de Dimona (Israelo).
Aviadilo F16 de la israela armeo detruis ĉi tiun jaŭdon ne identigitan flugantan objekton kiu superflugis la sudon de la Morta Maro. Laŭ informis la armeo, la “suspekta” objekto ŝajnis esti aerostato kaj estis en la ĉirkaŭaĵo de la ĉefa israela nuklea reaktoro, je 30 km de la Morta Maro, en Dimona, en la dezerto Negevo.
Laŭ la israela ttt-ejo Ynet, aviadilo pafis misilon al objekto “kiu flugis proksime de la instituto pri nuklea esploro de Dimona”. La aerostato estis ekipita kun motoro, sed ne havis piloton, laŭ la sama fonto. Reprezentanto de la israela armeo deklaris al AFP, ke la objekto “estis detruigita”, sen aldoni pli precizojn. Ĉiu flugo super la reaktoro proksime de la urbo Dimona estas malpermesata.
Israelo asertas, ke ĉi tiu reaktoro estas dediĉita al esplorado, sed spertuloj pri defendo kredas, ke ĝi estas la centro de la nuklea helpema programo de Israelo. Laŭ ili, en Diamona oni fabrikis pli ol 200 nukleaj ogivoj
La reaktoro Diamona estis konstruita kun la helpo de Francio je la komenco de la jardeko de 1950. Sed Israelo neniam konfirmis nek dementis la produktadon de nukleaj ogivoj.
Fonto: http://edition.cnn.com/2010/WORLD/meast/12/16/israel.negev.shootdown/index.html
Komenciĝas privata kosmokonkuro en Usono
Lanĉo de SpaceX en Cape Canaveral. | Reuters
La 8-an de decembro (2010), la kosmokapsulo Dragon, de la privata entrepreno SpaceX, lanĉita de la raketo Falcon 9 je la 14.43 GMT el Cape Canaveral (Florido), surmariĝis en la Pacifika Oceano post plenumi sukcese sian unuan kosmovojaĝon.
Per la surmariĝo finiĝas la unua vojaĝo de Dragon, dizajnita por transporti sturmon en la estonteco al la Internacia Kosmostacio (IKS). La kontrolejo de la misio konfirmis, pere de la retpaĝo de NASA, ke ĝi efektiviĝis “kontentige” kaj ke, post kelkaj minutoj, la spackapsulo Dragon, kiun transportis Falcon 9, disiĝis el la ĉefa modulo.
Dragon plenumis du plenajn orbitojn ĉirkaŭ la tero, dum kiuj la kontrolantoj submetis la ŝipon je diversaj manovroj, laŭ informis la usona kosma agentejo.
Estas la unuaj paŝoj al eniro de privataj entreprenoj en la spaca transporto, samtempe, kiam NASA anoncas progresiga redukto de kosmaj programoj per publika financado.
NASA necesos tuj sistemojn kiel Falcon 9-Dragon, ĉar ĝi pretendas apartigi sian ŝiparon de kosmopramoj en 2011, siaj solaj kosmoŝipoj kapablaj transporti astronaŭtojn. La rusaj kosmoŝipoj Soyuz estos tiam la solaj kapablaj transporti homojn al la kosmostacio.
La usona registaro volas vidi se privataj entreprenoj kiel SpaceX povas sendi raketojn kaj kosmokapsulojn laŭ pli malkara kaj efika maniero ol la publikaj programoj. SpaceX havas subskribitan kontrakton kun NASA kontraŭ 1.600 milionoj da dolaroj por 12 flugoj al la kosmo.
Fonto: http://www1.nasa.gov/offices/c3po/home/spacexfeature.html
La kosmo havas tri fojojn pli da steloj ol oni kalkulis
Elipsa galaksio.
La kosmo entenas tri fojojn pli da steloj ol oni taksis ĝis nun, laŭ ĵus malkaŝis studo publikigita ĵaŭdon en la revuo Nature.
“Nia inventaro de steloj tute sxanĝiĝis”, akceptis la esploranto Charlie Conroy, de la Centro pri Astrofiziko de Harvard-Smithsonian de Kembriĝo, Masaĉuseco (Usono).
Conroy kaj siaj kolegoj de la Universitato Yale (Usono) pruvis, ke la nomitaj ruĝaj nanoj estas multe pli abundaj ol oni kredis. Ili havas inter 10% kaj 30% el la Suna maso, pro tio elsendas relative malmultan lumon kompare kun steloj similaj al la reĝa astro. Ilia maldensa lumo malebligis ĝis nun, ke la astronomoj lokalizu ilin facile en aliaj galaksioj.
Ĉar ili ne povis vidi ilin, la kalkulo farita baziĝis sur takso. Astronomoj supozis, ke la ceteraj galaksioj similis al la nia kaj pro tio faris proksimuman kalkulon laŭ la donitaĵoj haveblaj en la Lakta Vojo. Laŭ la nombro da steloj similaj al la Suno, kiuj estas en nia galaksio ili kalkulis, ke po ĉiu el ili estis por 1000 ruĝaj nanoj, kiel ili kredas, kio okazas en la Lakta Vojo. Tamen, novaj esploroj indikas, ke aliaj kondiĉoj povas ebli en aliaj galaksioj.
Nun, dank’al la instrumentoj de la Observatoro Keck, en Havajo, oni povis detekti la spurojn de ruĝaj nanoj en ok gigantaj epipsaj galaksioj, lokalizitaj je 50 milionoj al 300 milionoj da lumjaroj.
“Hipoteze estas bilionoj da Teroj orbitantaj tiujn stelojn”, diris Pieter van Dokkun, direktoro de la esploro, kaj li aldonis, ke la ruĝaj nanoj nun malkovritaj havas pli ol dek mil milionoj da jaroj, kaj pro tio ili havas sufiĉan “aĝon” por permesi aperon de kompleksa vivo.
Fonto: http://www.bbc.co.uk/mundo/noticias/2010/12/101203_universo_estrellas_men.shtml
WikiLeaks publikigos ankaŭ informojn pri nifoj
Julian Assange.
La fondinto de WikiLeaks, Julian Assange, asertis, ke kelkaj el la dokumentoj publikigotaj en la portalo enhavas informojn pri nifoj, kvankam li ne indikis kiajn datumojn ili entenas nek kiam estos publikigataj.
Assange deklaris, ke lia ttt-ejo ricevis multajn mesaĝojn de “strangaj homoj” kiuj certigas, ke ili ekvidis nifojn, sed kiuj “ne plenumis kelkajn el la normoj por esti publikigitaj”. “Malgraŭ tio, indas rimarkigi, ke kelkaj partoj el la ‘cablegate’ ankoraŭ ne publikigitaj entenas referencojn je nifoj”, li aldonis.
Ĉi tiuj komentoj de Assange okazis dum intervjuo pere de la ttt-ejo de la brita ĵurnalo ‘The Guardian’, en kiu li informis, ke li kaj sia skipo timas pri ilia sekureco pro minacoj kontraŭ iliaj vivoj. La kandidatino je usona vicprezidento de la Respublika Partio, Sarah Palin, petis, ke Assange “estu persekutata kiel la gvidantoj de Al-Kaida”, dum aliaj gvidantoj de ŝia partio petis absolutan punon por la personaro de WikiLeaks.
Assange avertis, rilate la ricevitajn mortminacojn, laŭ lia takso ĵetitaj de la tutmondaj superpotencoj pro la lasta malkaŝo de diplomataj dokumentoj, ke se “io” okazus al li aŭ al lia skipo, estos “aŭtomate” disvastigitaj “solvaj” aspektoj de la dokumentoj.
Fonto: http://www.guardian.co.uk/media/2010/dec/03/julian-assange-live-online-answers
Malkovrita bakterio ŝanĝas la manieron serĉi vivon en la kosmo
Sciencistoj de NASA trovis en la sedimentoj de la lago Mono de Kalifornio (Usono) bakterion kiu bazas sian metabolon en arseno kaj entenas tiun ĉi elementon, veneno por la vivo tia, kia ni konis ĝis nun, en sia kemia strukturo. Tiu ĉi malkovro inaŭguras tute novan ĉapitron en la mikrobiologio kaj malfermas novajn eblecojn al la serĉado pri ekstertera vivo. “Kun tiu ĉi nova elemento en la listo de tiuj, kiuj konstituas la vivon, nun ni eble povos trovi ET”, asertis en gazetara konferenco dissendita pere de interreto, la direktorino de la programo pri astrobiologio de NASA, Mary Voitek.
Kelkaj lunoj kaj planedoj de nia sunsistemo, kiel ekzemple Titano aŭ Marso, estas nun kandidatoj por tiu serĉado.
Karbono, hidrogeno, nitrogeno, oksigeno, fosforo kaj sulfuro estas la bazaj elementoj de la vivo en la Tero, tia, kian ni konas ĝis nun. La fosforo, precipe, estas integra parto de la kemia strukturo de la DNA kaj de la RNA, kiuj enhavas kaj transportas la genetikajn instrukciojn de la vivo, kaj ankaŭ de la muroj de la ĉeloj kiuj konstituas la histojn de la vivaj organismoj. Sen fosforo ne ekzistas vivo. La bakterio trovita en la lago Mono de la esplorantino Felisa Wolfe-Simon, kiun ŝi nomis GFAJ-1, uzas arsenon por tiuj funkcioj, anstataŭ fosforon, kiel pruvis sia skipo en artikolo publikigita hieraŭ en la revuo Science Express.
Ĉeestanta en tiu konferenco, la juna esplorantino rimarkigis, ke “tiu ĉi malkovro memorigas al ni, ke la vivo tia, kian ni konas povas esti multe pli fleksebla ol ni kutime pensas”. Krom tio, “se mikroorganismo povas fari ion, tiom neatendebla, kio plu kion ni ankoraŭ ne vidis povas fari la vivo? Ni nepre devas malkovri tion”, ŝi diris, rimarkigante, ke tio malfermas novan pordon en la serĉado de vivo ekster la Tero. “Iam ni trovos vivon en alia loko”, ŝi konkludis.
Fonto: http://www.bbc.co.uk/news/science-environment-11886943
Eksa astronaŭto malkaŝas, ke nifo sekvis Columbia en 1996
La kanada ĵurnalo The Canadian publikigis hieraŭ, la 31-an de oktobro (2010), novaĵon kiu ja eniros en la historion de la nifologio. La eksa membro de MUFON Clark C. McClelland malkaŝis al The Canadian, ke li bone scias, ke ĉeesto de eksterteranoj estas reala kaj ke dum misio de NASA okazis renkontiĝo kun nifo. Konfirmas la historion D-ro Story Musgrave (en la bildo), specialisto kaj vojaĝanto de la kosmopramo Columbia dum la misio STS-80 en 1996, kie li vidis objekton diskoforman multe pli granda ol la kosmopramo dum ĝi orbitis la Teron je pli ol 300 km de alteco, kiu ŝajne sekvis la ŝipon.
Tiu ĉi atestanto aldoniĝas al longa listo kie estas Gordon Cooper, Edgar Mitchell (kiu mortis ĉi tiu 30 de oktobro), Donald Slayton, Gene Cernan, Frank Borman, Neil Armstrong aŭ Scott Carpenter, inter aliaj, ĉiuj homoj tre preparitaj, kiuj fidigas fenomenon nuntempe neneebla.
Fonto: http://www.agoracosmopolitan.com/home/Frontpage/2007/11/09/01935.html
Astronomoj malkovras la unuan planedon ekster la Sunsistemo kiu povus esti loĝebla
Astronomoj de la Universitato de Kalifornio ĉe Sankta-Cruzo (UCSC) kaj de la Instituto Carnegie de Vaŝingtono (Usono) ĵus trovis, en distanco de ĉirkaŭ 20 lumjaroj, en la konstelacio Libra, la unuan ekzoplanedon kun bazaj karakteristikoj por esti loĝebla. La trovaĵo estis publikigita la 30-an de septembro (2010) en Astrophysical Journal.
La planedo, Gliese 581g, nomiĝas tiel honore al la stelo kiun orbitas, Gliese 581. La distanco de la korpo rilate al ĝia astro havigas al ĝi konvenan radiadnivelon por enteni likvan akvon en ĝia surfaco. “Mi opinias, ke estas 100% da eblecoj, ke la planedo enhavu vivon, ĉar ĝi prezentas kondiĉojn tre taŭgaj por tio”, klarigis hieraŭ ĉe gazetara konferenco la astronomo de la UCSC respondeca pri la esploro, Steven Vogt.
Alia el ĝiaj karakteristikoj estas ĝia meza temperaturo, inter -31ºC kaj -12ºC. Ĝia distribucio ne estas homogena, ĉar unu el ĝiaj duonoj restas ĉiam lumigita kaj la alia en konstanta mallumo. Tio generas grandan termikan stabilecon. “La vivo en ĉi tiu planedo estus tre agrabla”, aldonis Vogt. Laŭ la sciencistoj, la zono plej taŭga troviĝas en la limo inter ambaŭ scenejoj.
La astronomoj kalkulis, ke la altirforto de la planedo estas tre simila al tiu de la Tero, inter 1,1 kaj 1,7 fojoj la tera gravideco, kaj pro tio ĝi povas subteni atmosferon. La maso de la planedo estas inter 3 kaj 4 fojoj supera al tiu de la Tero, kvankam ĝia radio estas nur inter 1,2 kaj 1,5 fojoj pli granda. Rilate al ĝia kompozicio, la sciencistoj opinias, ke temas pri roka astro. Tamen, dum la Tero plenumas ĝian orbiton ĉirkaŭ la suno dum 365 tagoj, Gliese 581g faras tion dum 36,6 tagoj.
Alia nifo fermas flughavenon, nun en Mongolio
La novaĵon publikigis la ĵurnalo ShangaiDaily la 13-an de septembro (2010). Ne identigita fluganta objekto devigis flughavenon en Baotou, en Interna Mongolio, prokrasti surteriĝon de tri aviadiloj dum preskaŭ unu horo en la nokto de la sabato 11 de septembro (2010).
La nifo estis vidita flosante je ĉirkaŭ kvar kilometroj oriente de la flughaveno de Baotou je la 8-a PM, laŭ la novaĵportalo Dbw.cn. La aŭtoritatoj de la flughaveno tuj prokrastis la surteriĝon de la tri flugoj, devenantaj el Ŝanhajo kaj Pekino, je la 9.14 PM pro problemoj de sekureco. Du ceteraj aviadiloj ricevis la ordonon el tero en la proksima urbo Ordoso kaj en la flughaveno Tajuano. La flughaveno revenis en normalecon je la 10-a PM, laŭ la informo. Sed la ŝtatoficistoj ankoraŭ ne donis pli detalojn pri la objekto.
Fonto: http://www.shanghaidaily.com/article/?id=449133&type=National
Teorio pri eksterteraj ĉeloj en la ruĝa pluvo de Barato
Okazis en Barato de la 25-a de julio ĝis la 23-a de septembro 2001: pluvo ruĝkolora. Komence oni kredis, ke ĝi estis akvo miksita kun sablo kaj fungoj, sed kiam Godfrey Luois (fizikisto en la Universitato Koĉi pri Scienco kaj Tekniko) faris pli proksiman analizon, trovis ruĝajn ĉelojn kiuj havis rimarkindan similecon kun la mikroboj de la Tero, sed sen DNA (tio tuj ekskludis la plejparton de la konataj biologikaj ĉeloj).
Por kompreni tion, kion sekvas, oni devas klarigi, kio estas panspermio: hipotezo kiu proponas, ke la esenco de la vivo estas disemata tra la tuta universo (kometoj, interstela pulvoro, asteroidoj) kaj ke la vivo komencis en la Tero pere de unu el tiuj fontoj. La ideo havas sian originon en kelkaj konsideroj de la greka filozofo Anaksagoro kaj estis en 1908 kiam la sveda kemiisto Svante August Arrhenius uzis la vorton panspermio por klarigi la komencon de la vivo en nia planedo.
Panspermio ne estas ideo tro agnoskita en la scienca komunumo, sed ne tute sensenca se konsideri, ke diversaj specoj de mikroboj postvivas en la malpleno de la kosmo dum monatoj kaj fojfoje jaroj.
En 2006 Godfrey publikigis la rezultojn de la esploro pri la ruĝa pluvo (kun kredorevizio) en Astrophysics and Space, en kiu li sugestas, ke la ĉeloj kiuj donis la koloron al la pluvo povas havi eksterteran originon devenantaj el objekto (kometo aŭ asteroido) kiu malintegriĝis en la supera atmosfero de la Tero kaj disgutiĝis sur la nuboj kiuj poste faligis pluvon sur Hindio kun tiu koloro.
Jam en tiu momento la studo kaŭzis ĉiaspecajn diskutojn, sed tio, kion Louis kaj Chandra Wickramasinghe, de la Universitato Cardiff (unu el la ĉefaj defendantoj de la panspermio) publikigis kaj asertis en la lastaj tagoj estas eĉ pli surprizanta: la ĉeloj trovitaj en la ruĝa pluvo ŝajnas inertaj kiam ili estas al la media temperaturo, sed kiam la temperaturo atingas 121 gradojn celciajn ili komencas reproduktiĝi. Ĉeloj filinaj aperas ene de la originalaj ĉeloj patrinaj kaj la nombro da ĉeloj de la specimeno pliiĝas kun la daŭro de la ekspozicio al tiu temperaturo.
La fakto estas ke, kvankam oni konstatis tian konduton kun ĉeloj konataj, oni neniam vidis nenion similan je tiaj temperaturoj. Sed tio ne signifas, ke ni estas antaŭ la unua definitiva pruvo pri ekstertera vivo, tio simple povas temi pri nova formo de ĉeloj vivaj teraj, kiuj ne estis malkovritaj antaŭe. Fakte ankoraŭ mankus sendependa pruvo pri tiaj asertoj por ke ili estos agnoskitaj de la scienca komunumo.
Louis kaj Chandra ankaŭ faris analizon de la brilo de la ĉeloj kiam oni bombardas ilin kun la lumo kaj ili certigas, ke ĝi estas tre simila al spektroj de elsendo ne klarigitaj en iuj partoj de la galaksio, kiel la Ruĝa Rektangulo.
Se tio estus certa, ni devus rekonsideri ankaŭ la originon de la vivo, ĉar tiam ni mem estus eksterteranoj.
NASA anoncas malkovron de du planedoj orbitantaj saman stelon
Antaŭ apenaŭ kelkaj minutoj, NASA anoncis en gazetara konferenco la malkovron far misio Kepler de planedsistemo enhavanta du mondojn kun amplekso komparebla al tiu de Saturno kaj eble (kvankam ankoraŭ ne estas konfirmita) plian kiu havus radion apenaŭ iom pli granda ol tiu de la Tero.
La kompilita materialo permesos en venonta estonteco determini kun ekzakteco la fizikajn kondiĉojn de la du novaj mondoj. La du planedoj, lokalizitaj uzante la metodon de la transito, orbitas ĉirkaŭ la stelo Kepler-9. La plej intera (Kepler-9b) havas mason egalvalora ol okdek fojoj tiu de la Tero kaj la ekstera (Kepler-9c) estas iom pli malgranda (54 fojoj la maso de la Tero).
La anonco, kiu sumiĝas al tiu realigita antaŭ kelkaj tagoj far teamo de la Eŭropa Suda Obervatorio (ESO), evidentigas la efektivecon de la malsamaj metodoj uzataj de la astronomoj por trovi planedojn ekster la Sunsistemo. La du malkovroj pruvas, ke la kapableco de la sciencistoj por trovi novajn mondojn pasis de individuaj planedoj al plenaj sunsistemoj.
Fonto: http://www.bbc.co.uk/news/science-environment-11097226
NIFO-DOSIEROJ 